Дарагія сябры, мы рады бачыць Вас тут, на сайце
Дзіцячай школы мастацтваў №2 г. Мінска
Бо ваша наведванне - гэта сведчанне цікавасці да справы, якой мы аддаём усё жыццё.
Наша школа - часцінка мастацтва нашага горада. Яна адкрыта ўсім напрамкам эстраднай, харэаграфічнай, тэатральнай і мастацкай-эстэтычнай творчасці. Варта толькі дзіцяці перасягнуць парог, як ён аказваецца ў свеце бясконцай творчасці і фантазіі. У свеце, дзе яго Асоба, Думкі і Пачуцці абавязкова будуць увасоблены ў выдатнай музыцы і танцы, а прачытаныя творы перанесены на тэатральную пляцоўку, і цудоўныя вобразы яго дзяцінства назаўжды застануцца з ім, увасобленыя ў карцінах.
Школа спалучае ў сваёй рабоце высокі прафесіяналізм, традыцыі педагогікі і сучасныя віды і напрамкі развіцця мастацтва.
Сумесная творчасць і дакрананне да прыгожага аб'ядноўвае выкладчыкаў і навучэнцаў.
Канцэрты, сустрэчы, адкрыцці нашых вучняў, этапы іх сталення - усё гэта напаўняе жыццё школы і можа быць цікава вам. Мы будзем дзяліцца сваімі ідэямі, творчымі дасягненнямі.
Прыходзьце ў госці!
Прыводзьце да нас сваіх дзяцей!
Наведвайце наш сайт!